ابيات كتبتها في العتاب

اليكم هذه الابيات كتبتها في العتاب وانشا الله تعجبكم.



انا مابشتكي الا لربي الواحد المعبود

ولاجيتك انا شاكي حشا ماني بشاكي لك

تذكر يوم عزيتك وبدلت الوفاء بجحود

تمنيت العوافي لك والناس الشر تبغي لك

متى ماكنت تبغيني تحصلني معك موجود

ولو تتطلب حشا جوفي بنفس الوقت اعطيلك

وكم اشقيت لك حالي وعن شر البلاء لك ذود

اذاو الي تقصد لك وكان الشر ينوى لك

صبرت سنيني المره عسى من عقبها بتعود

عسى تروي ظما شوقي قبل مالشوق بي يهلك

شكى جفن العيون الي حرمتي راحته ورقود

لذيذ النوم فارقني وجفني ضيع المسلك

وبيض ايامنا الحلوه بغدرك تنقلب لي سود

وانا الي قبل ماترحل شلت همومي وحملك

ومن كثر المحبه لك جمعت الناس لك وشهود

وقلت بصوتي العالي انا كلي تراني لك

وكم من ناس تنصحني وباب السمع لي مسدود

وقالت لي ترى خلك شعور الحب مايملك

ولكني على عهدي وماسك بالوفاء والجود

اذا ماشالتك دنيا رموش العين بتشلك

خساره للاسف لكن نكثتي عهدنا ووعود

وبعتي حبنا الغالي خسرتي كل حبي لك

ويوم اني ابي القاك اشوف الباب لي مردود

اذا قربت من عندك تقلي وقف وخلك

وانا والله مابنذل وربي الخالق المعبود

ومن حطك بقلبه يوم ترى عادي اذا شلك.



وسلامتكم.